尋日娃子上音樂堂，先生就隨口問娃子首歌識唔識彈😎？
娃子答：應該冇問題，但要睇譜彈，因為唔夠時間背😩。
之後先生就叫娃子坐上三角琴前做準備。而各同學就牛咁眼𥄫住娃子😏。
當琴聲一出，班同學仔已經覺得非常驚訝😱，但先生就叫同學們要專心唱歌。
歌仔唱完，伴奏彈完, 最初第一個舉手大嗌反對娃子做伴奏嘅曳精男同學就第一個喺位度大叫"すげぇ〜"(好犀利呀)😱。
之後其他同學都紛紛大讃，又拍手又跳又笑！而最初嗌反對嘅同學們全部都點頭妥協👏。
娃子好滿足，先生又好滿意，但一日未到最後，都未知可唔可以爭贏。不過娃子同我講佢當時唔係太緊張，因為比賽嗰時更緊張，呢D只係小兒科禾😎！
比小朋友嘗試多D大型比賽原來係好有效架！以前一年級觀課時見娃子擧手答問題都驚餐死，而家終於突破自己，你已經贏左喇👍！
（媽咪暗地裏感動😭。）
Search